Kryesia e degës së LDD-së dega në Prizren të premtën, më 17.05.2013 mbajti mbledhjen e dytë mbrenda kësaj jave të kryesuar nga kryetari i degës Lulzim Kabashi dhe me pranin e 14 anëtarëve të kryesisë ku u analizua situata aktuale në degën dhe nëndegët e LDD-së në Prizren . Vlerësimi ishte pozitiv dhe është konstatuar se strukturat e LDD-së janë stabile dhe përveq individëve të cilët janë larguar nga LDD-ja qysh nga zgjedhjet e fundit nacionale nuk ka lëvizje tjera përkundrazi LDD-së i janë bashkuar grupe të të rinjëve të cilët kanë shprehur gatishmërinë dhe vullnetin që të japin kontributin e tyre në radhët e LDD-së.

Në këtë mbledhje edhe një herë u konfirmua mbështetja e fuqishme e Degës së LDD-së në Prizren për vendimin e LDD-së në qendër për koalicionin me AAK.

Në këtë mbledhje u diskutuan mënyrat dhe format e bashkrendimit të punëve dhe aktiviteteve  me partnerin e koaliconit AAK-në ku me këtë rast edhe u zgjodh grupi punues i LDD-së i kryesuar nga Prof.Agim Skoro , Prof. Miftar Ahmetaj dhe Prof.Ardita Ibrahimi, grup ky i cili do të jetë i ngarkuar me punët e bashkëveprimit me AAK deri në përfundimn e zgjedhjeve të ardhshme.

Mbledhja e ardhshme e rregullt e kryesisë së degës do të mbahet me 24.05.2013 kur përveç të tjerave edhe do të pranohen edhe propozimet e reja për 3 anëtar të kryesisë.

Prizren 17.05.2013

Sot, më 18.05.2013 u mbajt mbledhja e kryesisë së LDD-së dega në Malishevë ku ishin prezent edhe anëtari i Kryesisë qëndrore të LDD-së, Lulzim Kabashi , nënkryetari i LDD-së dega në Prizren, Bashkim Spahiu dhe anëtari i kryesisë Ilir Baldedaj.

Në këtë mbledhje Kryesia e LDD-së Dega në Malishevë fuqimisht e mbështetë vendimin e Akademik Nexhat Daci dhe kryesisë së LDD-së për koalicionin me AAK dhe distancohet nga ish asambleisti i LDD-së në Malishëvë, Milazim Rudi i cili për një kohë të gjatë nuk ka kontribuar në degën e LDD-së në Malishevë dhe i cili për ineresa personale dezinformon opinionin për gjoja shkrirjen e LDD-së në Malishevë në LDK gjë e cila nuk ekziston dhe nuk është e vërtet, sepse kryesia prezent prej 9 anëtarëve në mënyrë unanime dhe solemne mirëpriti dhe vendosi që për kryetar Dege të LDD-së në Malishevë të emroj z. Jakup Kastrati  ish Kryetar i Kuvendit Komunal në Malishevë në mandatin e parë pas luftës si dhe ish kryetarin shumëvjeçar  të LDK-së në Malishevë. Aderimi i z.Jakup Kastrati në LDD e Malishevës në detyrën e kryetarit të degës do t’i jep një shtytje të fuqishme punës dhe rritjes së LDD-së në komunën e Malishevës.

Më 18.05.2013

Dega e LDD-së Malishevë

Nexhat Daci thotë se kurrë nuk do të jetë ministër i askujt, meqë sipas tij, nuk i plotëson kushtet për një post të tillë dhe se asnjë post nuk i është premtuar nga Ramush Haradinaj kur bëri koalicion me Aleancën për Ardhmërinë e Kosovës. Ndërsa, duke folur për bashkëpartiakët e tij të cilët e braktisën, thotë të jenë nxitur nga interesa personale pasi kur ka vendosur për koalicion me AAK-në ka pasur mbështetje e plotë të kryesisë së LDD-së, me vetëm tre kundërshtues. Daci, gjatë një interviste për Kosovapress, ka folur edhe për shkaktarët që kanë penguar marrëveshjen me LDK-në si dhe me Listën “Ibrahim Rugova”.

Pavarësisht se kush do të jetë kryeministër pas zgjedhjeve të ardhshme, Nexhat Daci thotë se kurrë nuk do të pranoj të jetë ministër i dikujt, madje as i kryeministrit aktual Hashim Thaçi.

“Jo, shikoni, unë ministër nuk do të bëhem kurrë i askujt sepse mendoj që nuk i plotësoj kushtet për ministër. Prandaj nuk kërkoj kurrë. Do ta ndihmoja atë qeveri me projekte me strategji zhvillimore, me dije ndoshta, por ministër i askujt as i vetë Dacit. Prindit tim i kisha thënë jo faleminderit”, ka thënë Daci.

Duke folur për ikjet e nga LDD-ja, ai ka thënë se interesat personale po i shtyjnë anëtarët dhe përkrahësit e tij që ta braktisin partinë që e themeluan në momente të vështira. Insiston që vendimi për koalicionin me AAK-në, ka pasur mbështetjen e plotë të shumicës së kryesisë.

“Ka qenë kundër Shefki Gashi, Fadil Geci dhe Besa Gaxherri. Nuk është se këta kanë qenë kundër vetëm në atë mbledhje, por krejt veprimtaria e dy tre vjeçarit të fundit është parë se dallojnë prej mjedisit tjetër në valorizimin, vlerësimin e punëve që i bërë, kanë mendime tjera dhe tjerët të gjithë e shifshim se po kërkojnë treg por është e drejtë e tyre dhe unë asnjë fjalë të keqe prej asnjërit prej tyre”, ka thënë Daci.

Ndërsa, teksa flet për koalicionin me AAK-në thotë se nuk i është premtuar asnjë post nga lideri i saj Ramush Haradinaj.

Derisa, për mos arritjen e marrëveshjes për bashkëpunim me LDK-në nuk ka kursyer kritikat ndaj liderit të saj duke thënë se LDD ishte për bashkëpunim por kundër shkrirjes së saj në LDK si e kërkonte kryesia e saj.

Daci ka shtuar se LDD takime për qëllime bashkëpunimi dhe bashkëveprimi ka pasur edhe me Listën “Ibrahim Rugova” por që kanë rezultuar pa ndonjë marrëveshje. /Kosovapress/

Kryetari i Lidhjes Demokratike të Dardanisë, Akademik Nexhat Daci ka pritur sot në selinë e LDD-së, kryetarin e degës së AAK-së, për Mitrovicë, z. Shaban Dragaj, i cili shoqërohej nga kryetari i degës së LDD-së në Mitrovicë, dr. Ramadan Kelmendi. Në fillim të takimit kryetari Daci ka njoftuar për bashkëpunimin mes dy subjekteve politike që tashmë janë në koalicion.

Nga ana e tyre të dy kryatarët e degëve të Mitrovicës, z. Dragaj dhe z. Kelmendi kanë njoftuar për operacionalizimin e bashkëpunimit të dy sbjekteve në komunën e Mitrovicës. Ata janë shprehur se kanë mirëpritur lidhjen e këtij koalicioni dhe se kanë gatishmëri të plotë për bashkëpunim të sinçert.

Mr.Ali Hertica

Mbledhja e fundit e kryesisë së LDD-së sqaroi shumë çështje për të cilat opinioni ishte njoftuar më heret, dhe kishte mëdyshje rreth firmosjes së marrëveshjes për koalicion në mes të LDD-së dhe AAK-së. Shtermbërimi i fakteve dhe akuzat pa asnjë bazë statutare krijojë situatë jo t ë volitshme në skenën politike, të elektrizuar të Kosovës; fatmirësisht kontakti i shkurtër u lokalizua dhe u ndreq pa pasoja. Të gjithë ata të cilët herët a vonë, deri tash, nuk e kanë kuptuar, por do do të kuptojnë në t’ardhmen medeomos, strategjinë politike të vizionarit politik të shekullit ndër shqiptarë  Dr.Ibrahim Rugovës, ishte i kuptueshëm, thjeshtë, për të gjithë, ishte  durimi mitologjik dhe qetësia në marrjen e vendimeve të rëndësishme. 

Duhet kuptuar se krijimi i LDD-së nuk ishte zgjedhje e dëshiruar, por ishte nevojë immediate e kohës, e përpjekjeve për vazhdimin e kursit Rugovian, e ai sigurisht do të ngulfatej me pushimin e të vepruarit të partisë, apo shkrirjen e saj në LDK, atëherë gjasat e angazhimit në politikë do të shtereshin, që nuk ishte moto e udhëheqjes politike. 

Fatkeqësisht shumë anëtarë të deridjshëm, të cilët ishin mjaft aktivë në politikë humbën durimin, luhatjet e shpeshta të politikanëve treguan se ata kanë hyrë në politikë, jo për të shtyrë proceset përpara, por për të shtyrë egon e tyre përpara, vendimet e mëdha nuk merren aq lehtë dhe përnjëherë, pa shterur të gjitha mundësitë statutare.  Janë të arsyeshme ankesat, adresimi i letrave për reforma në parti, por nuk është asesi i pranueshëm “dezertimi” politik për një arsye të thjeshtë, sepse ajo është pjesë e biografisë së tyre, se ata nuk janë persona adekuat për detyra të mëdha dhe të rëndësishme, dhe për të shtyrë proceset përpara dhe para çfarëdo problemi të vogël do të tërhiqen, sigurisht vendimet e tyre do të kenë pasoja për ata vet dhe për karrierën e tyre. Secili duhet të kuptojë se angazhimi në politikë dhe në parti politike nuk është i njëjëtë si angazhimi në “NGO” sepse partitë politike ndërtojnë kupollën e shtetit, dhe aty kanë vend vetëm njerëzit lojal, të vendosur dhe stabil. 

Sigurisht që formimi i LDD-së ka qenë i menduar mirë nga lideri i saj Akademik Nexhat Daci, jo i përkohëshëm por jetëgjatë aq sa do të jenë dardanët jetëgjatë.  Çështja e LDD-së ka shumëçka mitike, ka edhe tradicionale, tregon se dardanët kanë jetuar den-baba-den në këto troje, ka ngjashmëri me qerren  ilire të drejtuar nga dielli si simbolikë që përmendur nga  lideri historik Rugova dhe krahasim me anijet kozmike…,e kaluara dhe e tashmja janë trashëgimi e popullit dhe kulturës së tij; pastaj sigurisht ju kujtohet momenti kur amerikanët dhe evropianët kërkonin që Rugova të merrte pjesë ne zgjedhjet në RFJ, në anën e opozitës për të rrëzuar Millosheviqin, mirëpo ai qëndronte i heshtur, pa bërë zë, derisa shumë individë të njohur veç ishin regjistruar në partitë e posaformuara, në “UJDI”, në “JUL” , vetëm për të koekzistuar në garniturën e interesxhinjëve. 

Si keni pritur pra që LDD-ja të bie pre e një grupi të interesxhinjëve që tash janë të instaluar në LDK, shumë prej tyre “skojist” të shkollës së Kumrovcit, pastaj aktivistë të dalluar të LKJ-së për ndryshimin e amandamenteve kushtetuese të KSAK, e kështu me radhë. A kujtoni se të gjitha këto pazarllëqe do t’i pranonte lideri historik Rugova, dhe para një rrëmuje të tillë do të dorëzohet lideri i pathyeshëm Akademik Nexhat Daci? Nëse keni menduar ashtu të gjithë ju keni gabuar! A nuk ishte Rugova ai që i pari instaloi koalicionin me AAK-në, duke mandatuar Ramush Haradinajn si kryeministër, duke shpëtuar kështu vet UÇK-në nga gojëkqinjët, duke i dhënë mandatin e merituar historik një komandanti të luftës. 

Akademik Daci nuk bëri as më pak as më shumë, por i mbet konskuentë parimeve Rugoviane. Përfundimisht mund të them është nder dhe krenari të jesh anëtar i LDD-së, jo vetëm si përgjegjës i saj, por edhe si anëtar i ndershëm i saj.

Nën kryesimin e akademik Nexhat Dacit, kryetar, sot është mbajtur mbledhja e Kryesisë së Lidhjes Demokratike të Dardanisë. Në fillim të takimit Kryetari Daci e ka njoftuar kryesinë me zhvillimet e fundit në LDD, pas lidhjes së koaliconit me AAK-në.

Në këtë takim, me propozim të kryetarit Daci, anëtar i kryesisë së LDD-së, njëzëri u zgjodh mr. Ali Hertica. Kryetari Daci ka njoftuar edhe për konsolidimin e radhëve të Forumit të Gruas së LDD-së dhe mbështetjen që i ka dhënë këtij Forumi.

Kyesia e LDD-së ka marr qëndrim të kandidoj për kryetar komune të Prizrenit për zgjedhjet e ardhshme lokale, dhe këtë qëndrim do t’ja propozoj edhe partnerit të koalicionit. Po ashtu LDD do t’i kandidoj njerëzit e saj edhe për kryetar të komunave në Gjilan dhe Viti.

Pas takimit të kryesisë, është mbajtur edhe një takim me delegacionin e kryesisë së degës së Deçanit të LDD-së, të kryesuar nga z. Hilmi Muçaj, ushtrues detyre i kryetarit.

Në fillim të takimit kryetari Daci e ka njoftuar delegacionin e Deçanit për marrëveshjen e koalicionit me AAK-në, për atë se si ka rrjedhur ecuria deri te nënshkrimi i tij. Ai edhe njëherë ka pëseritur se ky vendim për këtë koalicion është marr me shumicë absolute të kryesisë dhe vetëm tre vetë kanë shfaqur mendim tjetër prej 23 anëtarëve.

Nga ana e tij z. Hilmi Muçaj ka njoftuar se deklarimet e LDK-së se LDD-ja në Deçan është shkrirë në LDK-ja janë gënjeshtra të kulluara pasiqë, siç po shihet LDD-ja ekziston, është shumë stabile, ka një kryesi 13 anëtarëshe dhe mbledhjet e saja janë të rregullta, çdo të shtune. Është e vërtetë se në LDK ka ikur vetëm ish-ushtruesi i detyrës së kryetarit. Ai tha se ka presione por ata janë të vendosur si deri më tani në rrugën dhe vizionin e akademik Dacit dhe janë të bindur se marrëveshja e koalicionit me AAK-në është në dobi të LDD-së, dhe do t’i kontribuojë forcimit të saj.

Kryetari i LDD-së, akademik Nexhat Daci, dje ( e hënë ) ishte musafir në emisionin e drejtëpërdrejt “INFO Magazine” të televizionit “Klan Kosova”. Ju që nuk e keni parë intervistën mund ta ndiqni në linkun e mëposhtëm

http://www.youtube.com/watch?v=n8bEVSLxE44

Në selinë e LDD-së, kryetari i saj akademik Nexhat Daci, ka pritur sot në një takim anëtarët e kryesisë së degës së LDD-së në Pejë. Kryetari Daci i ka njoftuar fillimisht ata gjërësisht me vendimin për lidhjen e koalicionit me AAK-në, për zgjedhjet lokale dhe ato parlamentare dhe për shkaqet e mosarritjes se një marrëveshje të tillë me LDK-në. Kryetari Daci gjithashtu e ka përseritur se ky koalicion duhet të respektohet nga të gjitha strukturat e LDD-së, në të kundërtën ata që dalin kundër marrëveshjës janë edhe kundër vendimeve të kryesisë dhe si të tillë nuk konsiderohen më pjesë e LDD-së.

Nga ana e tyre, anëtarët e kryesisë së degës së LDD-së në Pejë, Metë Bytyqi dhe prof. Ibrahim Gashi, e kanë njoftuar kryetarin Daci me gjendjen në degën e atjeshme. Ata kanë theksuar se LDD-ja në Pejë fuqimisht i respekton vendimet e Kryesisë së LDD-së dhe po ashtu e mbështet koalicionin me AAK-në, por ka edhe të atillë që mundohen të mos i respektojnë këto vendime dhe bëjnë përpjekje që ta shkrijnë LDD-në në Pejë. Por, kjo nuk do të arrihet asnjëherë ngase ekziston vullnet i madh i anëtarësisë që kjo degë jo vetëm të ekzistoj por edhe të fuqizohet shumë. Për gjendjen jo të mirë aktuale të kësaj dege ata dhe të tjerët kanë akuzuar udhëheqësit e kësaj degë.

Në fund të takimit Kryetari Daci i  ka njoftuar të pranishmit se: “Në bazë të Statutit të LDD-së, neni 27, Kryesia e LDD-së, ka marr këtë Vendim:

1. Krijon Këshillin Koordinues të Degës së LDD-së në Pejë

2. Këshilli Koordinues udhëhiqet nga Koordinatori i Këshillit, z. Ibrahim Gashi

3. Këshilli Koordinues i degës koordinon aktivitetet e degës deri në mbajtjen e Kuvendit

    të degës.

4. Ky Vendim hyn në fuqi menjëherë

Në mbledhjen e kryesisë së LDD-së, dega në Mitrovicë, mbajtur me datën 27.04.2013 në mes tjerash u shqyrtua edhe situata në kryesinë e degës pas lidhjës së koalicionit të LDD-së me AAK-në.

U paraqit arsyeshmëria e kooptimit ( plotësimit ) e funksionalizimit të kryesisë së degës së LDD-së në Mitrovicë.

Pas diskutimeve e analizave gjithpërfshirëse, mbështetur në propozimet të dalura nga nëndegët, të paraqitura nga kryetarët e tyre, u bë plotësimi i kryesisë së LDD-së dega ne Mitrovicë në këtë përbërje. Ramadan Kelmendi – Kryetar, Emine Balaj – Nënkryetare, Faik Jashari- Sekretar, Afrim Voca            , Isuf Veseli, Imer Ferati, Sefer Peci, Remzi Nimani, Enver Bahtiri, Haki Azemi, Hamit Hamiti, Arton Haliti, dhe Afrim Peci, anëtar.

Kryesia në këtë takim zgjodhi:

Emine Balaj  – Kryetare e Forumit te Gruas  dhe Agron Jashari – Kryetar i Forumit Rinor.

Ne këtë mbledhje edhe kryetarët e degëve të Zveqanit, Zubin Potokut, e Leposaviqit, deklaruan se e përkrahin aleancën e LDD-së me AAK-në, dhe atë:

Agron Kelmendi – Kryetar në Lipë – Zveçan, Zenun Deliu – Kryetar në Çabër – Zubin Potok, Eshref Bekteshi – Kryetar në Koshtovë – Leposaviq

Në këtë takim u konfirmua dhe u deklaruan kryetarët e nëndegëve të cilët përkrahin aleancën e LDD-së me AAK-në, të lidhur në mes kryetarit të LDD-së Akademik – Nexhat Daci dhe kryetarit të AAK-së Ramush Haradinaj si vijon:

Lugina e Ibrit (L.Boshnjakëve) – Miftar Kelmendi, Ilirid (Tavnik) – Afrim Voca, Bare – Imer Ferati, Lugina e Ibrit – Faik Hajdari, Bair – Xhavit Mustafa, Kqiq – Nysret Abiti, Lushtë – Isuf Veseli, Rashan – Nazmi Osmani, Trepçë – Esat Ademi, Broboniç – Vehbi Azemi, Rahovë – Lulzim Peci, Qendër – Elmaze Zeka, 2 Korriku – Islam Bahtiri, Koshtovë – Sheshivar Salihu.

]]> http://www.ldd-kosova.org/web/konsolidohet-dega-e-ldd-se-ne-mitrovice/feed/ 0 http://www.ldd-kosova.org/web/koalicioni-me-aak-hap-i-qelluar/ http://www.ldd-kosova.org/web/koalicioni-me-aak-hap-i-qelluar/#comments Wed, 08 May 2013 09:26:24 +0000 ldd http://www.ldd-kosova.org/web/?p=1652

Kryetari i LDD-së, akademik Nexhat Daci ka pritur në një takim anëtarin e kryesisë së Degës së LDD-së në Zvicër, z. Ilaz Kadriu. Kryetari Daci e ka njoftuar z. Kadriu me aktualitetin politik në Kosovë dhe me aktivitetin e LDD-së, duke veçuar lidhjen e marrëveshjës së koalicionit të LDD-së, me Aleancën për Ardhmërinë e Kosovës. Kryetari Daci gjithashtu ka shtuar se lidhja e këtij koalicioni ishte një vendim i drejtë i cili ishte mbështetur nga shumica absolute e kryesisë së LDD-së, dhe ngase AAK-ja i kishte pranuar në tërësi kriteret e miratuara nga kryesia e LDD-së për lidhjen e koalicionit.

Nga ana e tij z. Kadriu e ka njoftuar kryetarin Daci me aktivitetin e degës së LDD-së në Zvicër dhe me sukseset e saja. Ai poashtu ia ka përcjellur përkrahjen e degës së LDD-së në Zvicër për koalicionin e arritur me AAK-në, si hap në drejtim të forcimit të mëtejm të LDD-së.